Sut rydyn ni’n cael ein hariannu

Elusen ydy Ymddiriedolaeth Natur Sir Faesyfed ac, o’r herwydd, rydyn ni’n dibynnu ar gefnogaeth tanysgrifiadau ein haelodau, rhoddion, grantiau, cymynroddion a ffynonellau ariannu eraill i’n galluogi ni i gyflawni ein gwaith.

Mae ein Cyfrifon a’n Hadroddiadau Blynyddol yn adolygu ein perfformiad am y flwyddyn, y cynnydd rydyn ni’n ei wneud yn erbyn ein hamcanion a’n nodau ar gyfer y dyfodol.

Mae yna hefyd wybodaeth am ein llywodraethu, ein strwythur a’n rheolaeth, a chyfrifon manwl o’n cyllid.

Mae Cyfrifon ac Adroddiadau Blynyddol y tair blynedd diwethaf ar gael ar wefan y Comisiwn Elusennau.

Mae Ymddiriedolaeth Natur Sir Faesyfed yn derbyn dau brif fath o incwm: cyfyngedig (ar gyfer prosiectau penodol) ac anghyfyngedig (ar gyfer cyflawni ein hamcanion elusennol yn barhaus).  Mae’n bwysig gwahaniaethu rhwng y ddau fath hyn o incwm.

Mae’r mwyafrif llethol o gynlluniau grant yn cyfyngu ar eu cyllid ac os rydyn ni’n llwyddo i sicrhau cyllid, rydyn ni wedi’n cyfyngu’n llwyr i’w wario ar yr eitemau yn unol â gofynion y contract cyllido. Petaen ni’n dewis gwario’r arian ar rywbeth arall, fe fydden ni’n torri ein contract ac fe fyddai’n rhaid i ni roi’r arian yn ôl.

Diolch ichi am ystyried codi arian ar ein rhan.  Mae pob ceiniog rydych chi’n ei chodi’n helpu i warchod bywyd gwyllt yn Sir Faesyfed i bawb ei fwynhau.