(c) Guy Edwardes / 2020VISION
Fferm Pentwyn – gweledigaeth ar gyfer y dyfodol
Lle sy’n cynnig gobaith i bobl a byd natur
Dychmygwch dirwedd yn llawn suon, trydar a bwrlwm bywyd gwyllt. Tirwedd sy’n cynnig ac yn cynnal gobaith – gobaith am fyd gwell i fyd natur a phobl.
Bydd y tir ym Mhentwyn yn cael ei drawsnewid yn oasis sy’n llawn hymian, suon a thrydar, lle gellir clywed galwadau adar sydd dan fygythiad unwaith eto. Mae wedi’i leoli wrth ymyl tir gwyllt arall, felly mae potensial da i helpu bywyd gwyllt i ffynnu eto ar draws ardal ehangach drwy ehangu a chysylltu cynefin gwyllt.
(c) Megan Abram
Cyfrannwch at Bentwyn
Ein Gweledigaeth
Mae Ymddiriedolaeth Bywyd Gwyllt Sir Faesyfed am i Bentwyn fod yn fwy gwyllt drwy wneud lle i fyd natur a chaniatáu i brosesau naturiol ddatblygu, ond yr ydym hefyd am iddi fod yn fferm. Model o fferm newydd ar gyfer y dyfodol. Gyda chig lles uchel, mewnbwn isel yn cael ei gynhyrchu o’r stoc, a llysiau, ffrwythau a chnau’n cael eu cynhyrchu gan y busnes garddio masnachol, a fydd wedi rhoi cyfle i newydd-ddyfodiad i fyd ffermio. Yn bennaf oll, rydym am weld byd natur yn cynyddu ar y tir, denu pobl i mewn, rhoi ymdeimlad o les iddynt, eiliadau o ryfeddod a gobaith i ddyfodol pob un ohonom. Yn hollbwysig, ar gyfer Pentwyn rydym wedi creu gweledigaeth uchelgeisiol 30 mlynedd ar gyfer y dyfodol, y gallwch ei darllen isod:
(c) Jeroen Helmer / Ark Nature
Mewn 5 mlynedd...
Read here
Pentwyn in 15 years... (c) Jeroen Helmer / Ark Nature
Mewn 15 mlynedd...
Read here
Pentwyn in 30 years... (c) Jeroen Helmer / Ark Nature
Mewn 30 mlynedd...
Read hereRydyn ni’n cynrychioli cymuned o bobl sy’n caru natur ac felly dydyn ni ddim yn ffermio’r tir yn y ffordd gonfensiynol bresennol. Byddwn yn agored am hyn ac am yr angen i ddod o hyd i ffordd o adfer natur ar y safle, sy’n darparu manteision ehangach i’r dirwedd ac i’r gymuned, sy’n bodoli ochr yn ochr â dyfodol ffermio, ond sydd hefyd yn cynnig enghreifftiau o’r hyn y gellir ei wneud mewn busnesau fferm er budd natur. Byddwn yn ceisio creu cyfleoedd cyflogaeth a dod ag arian i’r economi leol drwy ddefnyddio contractwyr a chyflenwyr lleol. Mae gennym sylfaen staff a gwirfoddolwyr sy’n byw yn yr ardal ac sy’n weithgar yn y gymuned.
Prosiect Pentwyn Mwy Gwyllt
Ym mis Medi 2023, dechreuodd Prosiect Pentwyn mwy Gwyllt, sy’n cael ei ariannu am ddwy flynedd. Mae wedi cymryd amser i ni sefydlu ein hunain ar y safle, ac rydyn ni wedi bod yn canolbwyntio ar ad-dalu’r benthyciad, ond bydd y gweithgarwch nawr yn dechrau cyflymu ym Mhentwyn gyda’r prosiect hwn ar waith!
Mae prosiect Pentwyn mwy Gwyllt yn bosibl diolch i Gronfa Dreftadaeth y Loteri Genedlaethol, diolch i chwaraewyr y Loteri Genedlaethol.
Gallwch wneud gwahaniaeth
Fel elusen, rydym yn dibynnu ar eich cefnogaeth.
Drwy gyfrannu, gallwch ein helpu i gael sir Faesyfed fwy gwyllt.
Gyda’n gilydd gallwn sicrhau bod bywyd gwyllt Sir Faesyfed yn cael ei warchod am genedlaethau i ddod.
O daliad untro i fod yn aelod, rydym yn gwerthfawrogi pob rhodd.
Hoffech chi gael rhagor o wybodaeth am ein gwaith? Cofrestrwch yma!
Cyllidwyr
Mae Ymddiriedolaeth Natur Sir Faesyfed yn ddiolchgar am y cymorth ariannol a ddarparwyd gan nifer o gyllidwyr hael.
Prif Roddwyr
Oes gennych chi ddiddordeb mewn cyfrannu’n sylweddol at ein Hapêl Pentwyn? Lawrlwythwch ein Llyfryn Prif Roddwyr i gael rhagor o wybodaeth.
Codi arian ar gyfer Pentwyn
Trefnwch eich digwyddiad codi arian eich hun er budd Pentwyn, gan ddefnyddio ein pecyn codi arian defnyddiol i’ch helpu!
Prosiect Cyllido Natur
Mae’r cyllid ar gyfer y pryniant wedi cael ei fenthyca gan grŵp o fuddsoddwyr preifat sy’n rhannu ein hangerdd dros alluogi adferiad bywyd gwyllt ar safleoedd ble mae byd natur wedi dirywio. Arweinir y grŵp gan Julia Davies, sylfaenydd cronfa amgylcheddol o’r enw We Have the POWER.
CREDIT: We Have the Power
Helpwyd ni gan Julia Davies o ‘We Have The Power’ ynghyd â benthycwyr haelionus eraill, Andrew MacKay a Nick Marple, i gaffael y safle hwn drwy eu prosiect Funding Nature. Mae rhagor o wybodaeth am safleoedd eraill sydd wedi cael eu caffael gan Funding Nature ar gael yma.
(c) Matthew Roberts
