Ynghylch

Tylluanod brech yw tylluanod mwyaf cyffredin Prydain, i’w gweld mewn coetir, parciau a gerddi. Mae eu cân ‘tŵ-wit tŵ-hŵ’ yn perthyn yn benodol i’r dylluan frech, er ei bod yn cael ei hystyried fel cân gyffredin pob tylluan. Ond nid cri un aderyn yw hon, ond yn hytrach y gwryw a’r fenyw yn galw ar ei gilydd. Y fenyw sy’n gwneud y sŵn ‘tŵ-wit’ ac wedyn mae’r gwryw yn ateb gyda ‘tŵ-hŵ’! Mae’r creaduriaid rhyfeddol yma’n eistedd ar eu hoff glwyd yn chwilio am anifeiliaid bychain fel llygod pengrwn a llygod eraill i’w bwyta. Maen nhw’n nythu yn ystod y gwanwyn mewn coed gwag, neu weithiau’n dewis ailddefnyddio hen nyth bran!